25 ივლისს სტატისტიკის სამსახურის საიუბილეო, 100 წლის, თარიღის აღსანიშნავად, საქართველოს, სომხეთის, უკრაინის, მოლდოვას, ყირგიზეთის, უზბეკეთისა და ტაჯიკეთის სტატისტიკის ეროვნული სამსახურების ხელმძღვანელმა პირებმა ერთობლივ განცხადებას მოაწერეს ხელი. დოკუმენტის თანახმად, მხარეები ქვეყნების სტატისტიკის სამსახურებს შორის მეგობრული და კონსტრუქციული თანამშრომლობის გაღრმავებისა და სტატისტიკის სისტემის შემდგომი განვითარებისათვის სრულ მზადყოფნას გამოთქვამენ. ღონისძიებაზე საქსტატის აღმასრულებელმა დირექტორმა აღმოსავლეთ პარტნიორობისა (EaP) და ცენტრალური აზიის ათივე ქვეყნის სტატსამსახურების წარმომადგენლებს საჩუქრად საქსტატის საიუბილეო მონეტა გადასცა.