ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 29 ნოემბერი 2018
დღეს საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ საქართველოს ბიზნეს ასოციაციაში შეხვედრა გამართა. შეხვედრას ბიზნეს ასოციაციის წევრი კომპანიების წარმომადგენლები, ასოციაციის პრეზიდენტი ირაკლი ასლანიშვილი და ბიზნეს ომბუდსმენი ირაკლი ლექვინაძე ესწრებოდნენ.
გოგიტა თოდრაძემ მონაწილეებს პრეზენტაციის სახით ქვეყანაში სტატისტიკის სისტემის განვითარების ძირითადი მიმართულებები, ბოლო პერიოდში საქსტატში განხორციელებული ცვლილებები და სამომავლო გეგმები გააცნო. შეხვედრაზე მხარეებმა ასევე ისაუბრეს ოფიციალური სტატისტიკის წარმოების პროცესში ბიზნესის საჭიროებებზე და ხაზი გაუსვეს საქსტატსა და ბიზნეს წრეებს შორის თანამშრომლობის აუცილებლობას.
საქსტატის აღმასრულებელმა დირექტორმა შეხვედრის მნიშვნელობაზეც ისაუბრა და მას საინტერესო და ნაყოფიერი უწოდა. მისი თქმით, მსგავსი სახის შეხვედრები ხელს უწყობს ბიზნეს წრეებში საქსტატის და უწყების მიერ დანერგილი სიახლეების შესახებ ცნობიერების გაზრდას. გოგიტა თოდრაძის განცხადებით, შეხვედრები ბიზნესთან მომავალშიც გაგრძელდება.
