საქსტატი დანიელი ექსპერტების მისიას მასპინძლობს

თარიღი: 6 მაისი 2019

საქართველოს სტატისტიკის ეროვნული სამსახური, ევროკავშირის მიერ და­ფი­ნანსებული თვინინგის პროექტის ფარგლებში, საერთაშორისო ექსპერტთა მისიას მასპინძლობს. დანიელი ექსპერტები მიმდინარე კვირის განმავლობაში სამუშაო შეხვედრებს მართავენ საქსტატის ეროვნული ანგარიშების დეპარტამენტის თანამშრომლებთან, რომლის მიზანს წარმოადგენს ეროვნული ანგარიშების წარმოება საერთაშორისო სტანდარტების შესაბამისად.
აღნიშნული პროექტის განხორციელება, საქსტატის და დანიის სტატისტიკის მიერ, მიმდინარე წლის აპრილიდან დაიწყო და 24 თვის განმავლობაში გაგრძელდება. პროექტის მიზანია ხელი შეუწყოს საქართველოს სტატისტიკის შესაძლებლობების შემდგომ გაძლიერებას, საქსტატის მიერ დროული, საერთაშორისო დონეზე შესადარისი და სანდო მონაცემების წარმოების თვალსაზრისით. ეროვნული ანგარიშების გარდა თვინინგის პროექტი კიდევ სამ კომპონენტს მოიცავს: საგარეო ვაჭრობა, ბიზნეს სტატისტიკა და სოციალური სტატისტიკა. 
პროექტის განხორციელებაში დანიელ ექსპერტებტან ერთად ასევე ჩართული იქნებიან ჩეხეთის, უნგრეთის და ფინეთის სტატისტიკის სამსახურების წარმომადგენლები, რაც კიდევ უფრო მეტად შეუწყობს ხელს გრძელვადიანი თანამშრომლობის ჩამოყალიბებას საქსტატსა და ევროკავშირის წევრ ქვეყნების შორის.