ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 26 ივნისი 2019
დღეს, 24 ივნისს საქართვველოს სტატისტიკის ეროვნულ სამსახურსა (საქსტატსა) და დანიის სტატისტიკის სამსახურს შორის ევროკავშირის პროგრამა „Twining“-ის ფარგლებში, ახალი პროექტი - „საქართველოს ეროვნული სტატისტიკური სისტემის შესაძლებლობების განვითარება“ ოფიციალურად გაიხნა. პროექტის დაწყებასთან დაკავშირებით სასტუმრო ,,ჰოლიდეი ინნ“-ში ღონისძიება გაიმართა, სადაც მოწვეულ სტუმრებს საქსტატის აღმასრულებელმა დირექტორმა, გოგიტა თოდრაძემ სიტყვით მიმართა.
საქსტატის ხელმძღვანელის თქმით, ახალი პროექტი მიზნად ისახავს საქართველოსა და ევროკავშირს შორის ასოცირების შესახებ შეთანხმებით გათვალისწინებული გეგმების ხელშეწყობას, საქსტატის მიერ დროული, სანდო და საერთაშორისო დონეზე შესადარისი მონაცემების წარმოებას და მის დაახლოებას ევროპულ სტანდარტებთან. პროექტის ფარგლებში მრავალი აქტოვობაა დაგეგმილი. მათ შორის აღსანიშნავია დანიისა და ევროპის განვითარებული ქვეყნების სტატისტიკის სამსახურების ექსპერტთა ვიზიტები, რომლის დროსაც ისინი ქართველ კოლეგებს საჭირო დახმარებას გაუწევენ.
„Twining“-ის პროექტისა და სტატისტიკური სისტემის შესაძლებლობების განვითარების მნიშვნელობის შესახებ ასევე ისაუბრეს ევროკავშირის პროექტების განყოფილების უფროსის მოადგილემ კატალინ გერმანმა, დანიის ეკონომიკური სტატისტიკის დირექტორმა კირსტენ ვისმერმა, ასევე საქართველოს საგარეო საქმეთა სამინისტროსა და დანიის სტატისტიკის წარმომადგენლებმა.
აღნიშნული პროექტი, რომელიც დაფინანსებულია ევროკავშირის მიერ, მიმდინარე წლის აპრილიდან დაიწყო და 24 თვის განმავლობაში გაგრძელდება. პროექტი ოთხ კომპონენტს მოიცავს: საგარეო ვაჭრობა, ეროვნული ანგარიშები, ბიზნეს სტატისტიკა და სოციალური სტატისტიკა.
