ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 25 იანვარი 2024
საქსტატის აღმასრულებელი დირექტორი გოგიტა თოდრაძე, გაეროს სტატისტიკის სამსახურის (UNSD) მიერ ორგანიზებულ საერთაშორისო კონფერენციაში მონაწილეობს, რომელიც 22-24 იანვრის პერიოდში ქ. დუბაიში, არაბთა გაერთიანებულ საამიროებში იმართება.
კონფერენციის მიზანს წარმოადგენს მზარდი გამოწვევებისა და შესაძლებლობების პირობებში, ოფიციალური სტატისტიკის წარმოების საზღვრების გაფართოების გზების ძიება, შესაბამისი სტრატეგიული მიზნების განსაზღვრა და ქვეყნებს შორის არსებული საუკეთესო პრაქტიკის გაზიარება. შეხვედრის მიზანია ასევე, ოფიციალური სტატისტიკის წარმოების პროცესში ალტერნატიულ მონაცემთა წყაროების, ინოვაციური მეთოდებისა და თანამედროვე ტექნოლოგიების გამოყენების შესაძლებლობების შეფასება.
კონფერენციის ფარგლებში გოგიტა თოდრაძემ მონაწილეობა მიიღო სხვადასხვა პანელურ დისკუსიასა და სამუშაო შეხვედრაში, რომელიც გაეროს და საერთაშორისო ორგანიზაციების ორგანიზებით (IMF, UNICEF) გაიმართა. მოხსენებისას მან დამსწრე საზოგადოებასთან ისაუბრა საქართველოში სტატისტიკის სისტემის განვითარების ძირითადი პრიორიტეტული მიმართულებების შესახებ, უკანასკნელ პერიოდში მიღწეული პროგრესისა და ოფიციალური სტატისტიკის წარმოების პროცესში ალტერნატიულ მონაცემთა წყაროების გამოყენების შესაძლებლობების შესახებ.
კონფერენციაში მსოფლიოს სხვადასხვა ქვეყნის 100-მდე წარმომადგენელი მონაწილეობს, მათ შორის არიან სხვადასხვა ქვეყნის სტატისტიკის სამსახურების ხელმძღვანელი პირები, ასევე საერთაშორისო და ადგილობრივი ორგანიზაციების წარმომადგენლები.
