ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 28 ნოემბერი 2025
საქსტატის აღმასრულებელი დირექტორი გოგიტა თოდრაძე, მოსახლეობისა და მიგრაციის სტატისტიკის საკითხებთან დაკავშირებულ ექსპერტთა ჯგუფის შეხვედრაში მონაწილეობს, რომელიც გაეროს ევროპის ეკონომიკური კომისიის (UNECE) ორგანიზებით, 26-28 ნოემბრის პერიოდში, ქ. ჟენევაში ტარდება.
შეხვედრის ფარგლებში იმართება პანელური დისკუსიები მოსახლეობისა და საცხოვრისების აღწერებთან დაკავშირებით. განიხილება სხვადასხვა ქვეყნის გამოცდილება, მოსახლეობის აღწერის ჩატარებისა და მიგრაციის მონაცემთა შეგროვების უახლესი ტექნოლოგიების გამოყენების შესახებ.
შეხვედრის მიმდინარეობისას საქსტატის მენეჯმენტმა მონაწილეებს გაუზიარეს ინფორმაცია 2024 წელს საქართველოში განხორციელებული მოსახლეობის და სასოფლო-სამეურნეო აღწერის შესახებ, ისაუბრეს მონაცემთა შეგროვების მეთოდების, აღწერის ფარგლებში განხორციელებული აქტივობების, აგრეთვე საქსტატის მიერ დანერგილი სიახლეების შესახებ.
აღნიშნული შეხვედრა ყოველწლიურად იმართება და მასში 55-მდე ქვეყნის 100-ზე მეტი წარმომადგენელი მონაწილეობს. შეხვედრას ესწრებიან სტატისტიკის სამსახურების და საერთაშორისო ორგანიზაციების წარმომადგენლები, ექსპერტები და მაღალი თანამდებობის პირები. იგი წარმოადგენს მნიშვნელოვან პლატფორმას, სხვადასხვა ქვეყანაში მოსახლეობის აღწერების და მიგრაციის სტატისტიკასთან დაკავშირებით გამოცდილების გაზიარების, მიღწეული პროგრესის შეფასებისა და გაეროს რეკომენდაციებთან შესაბამისობის უზრუნველყოფის თვალსაზრისით.
საქსტატის ხელმძღანელთან ერთად აღნიშნულ შეხვედრაში - აღმასრულებელი დირექტორის მოადგილე - პაატა შავიშვილი და მოსახლეობისა და დემოგრაფიული სტატისტიკის დეპარტამენტის უფროსი - ალექსანდრე არაბული მონაწილეობენ.
შეგახსენებთ, რომ საქართველოში მოსახლეობის და სასოფლო-სამეურნეო აღწერა 2024 წლის ნოემბერ-დეკემბერში ჩატარდა. ამასთან, პირველად აღწერების ისტორიაში, საქსტატმა აღწერა თანამედროვე ტექნოლოგიების გამოყენებით (თვითრეგისტრაციისა და პლანშეტური კომპიუტერების გამოყენებით), ქაღალდის კითხვარების გარეშე ჩაატარა.
აღწერის წინასწარი შედეგები მიმდინარე წლის ივნისში გასაჯაროვდა, ხოლო საბოლოო, დეტალური მონაცემები 2026 წლის ივნისში გამოქვეყნდება.
