ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 20 თებერვალი 2026
20 თებერვალს, საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ მონაწილება მიიღო საქართველოს ეროვნული უნივერსიტეტში (SEU) გამართულ კონფერენციაში „ფინანსური ნდობის ეკოსისტემა 2026“ .
პანელურ დისკუსიაში თემაზე – „ფინანსური სტრატეგია, ინსტიტუციური ნდობა და რეგულაცია“ გოგიტა თოდრაძემ ისაუბრა სანდო და დროული სტატისტიკური მონაცემების მნიშვნელობაზე ფინანსური პოლიტიკის დაგეგმვისა და ეფექტიანი რეგულაციების შემუშავების პროცესში.
გოგიტა თოდრაძემ აღნიშნა, რომ ხარისხიანი ოფიციალური სტატისტიკა წარმოადგენს გადაწყვეტილებების მიღების საფუძველს როგორც საჯარო, ისე კერძო სექტორისთვის და მნიშვნელოვნად უწყობს ხელს ეკონომიკურ გამჭვირვალობასა და ანგარიშვალდებულებას. მისივე თქმით, თანამედროვე ტექნოლოგიების ინტეგრაცია სტატისტიკურ წარმოებაში აძლიერებს მონაცემთა სიზუსტესა და ხელმისაწვდომობას, რაც საბოლოოდ ზრდის საზოგადოების ნდობას ინსტიტუტების მიმართ.
დისკუსიის ფარგლებში მან ასევე ისაუბრა ინსტიტუციურ თანამშრომლობაზე, მონაცემთა გაზიარების კულტურის განვითარებასა და საერთაშორისო სტანდარტებთან შესაბამისობის მნიშვნელობაზე, რაც ფინანსური ნდობის ეკოსისტემის გაძლიერების ერთ-ერთ მთავარ წინაპირობას წარმოადგენს.
