ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 1 მაისი 2026
საქსტატში მრჩეველთა საბჭოს მორიგი სხდომა გაიმართა. მრჩეველთა საბჭო 14 წევრისგან შედგება და მის შემადგენლობაში შედიან აკადემიური წრეების, საერთაშორისო ორგანიზაციების, საჯარო და ბიზნეს სექტორის წარმომადგენლები და ექსპერტები.
უწყებაში გამართულ შეხვედრაზე საქსტატის აღმასრულებელმა დირექტორმა და ამავდროულად საბჭოს თავმჯდომარემ - გოგიტა თოდრაძემ საბჭოს წევრებს წარუდგინა ინფორმაცია უწყებაში გასული ერთი წლის განმავლობაში ;მიღწეული შედეგების, მიმდინარე პროექტებისა და დაგეგმილი აქტივობების შესახებ.
გოგიტა თოდრაძემ საბჭოს წევრებთან ასევე ისაუბრა 2024 წელს ჩატარებული მოსახლეობისა და სასოფლო-სამეურნეო აღწერის შედეგების დამუშავების მიმდინარე პროცესზე. ყურადღება გამახვილდა თანამედროვე პროგრამული უზრუნველყოფის გამოყენებაზე, რაც უზრუნველყოფს მონაცემთა სიზუსტესა და სანდოობას. მისივე თქმით, ამჟამად მიმდინარეობს საბოლოო, დეტალური შედეგების დამუშავება, რომელიც 2026 წლის ივნისში გამოქვეყნდება.
საქსტატის მრჩეველთა საბჭო საკონსულტაციო ორგანოა. მის ფუნქციებს წარმოადგენს - საქსტატისათვის სტატისტიკურ საქმიანობასთან დაკავშირებით კონსულტაციის გაწევა, სტატისტიკური სამუშაოების პროგრამის პროექტის ანალიზი და რეკომენდაციების შემუშავება, სტატისტიკურ საქმიანობაში გამოსაყენებელი სტატისტიკური სტანდარტებისა და მეთოდოლოგიის ანალიზი და საქსტატის საბჭოსათვის წინადადებების მომზადება, სტატისტიკური მეთოდების განხილვა და მის სრულყოფასთან დაკავშირებით საქსტატის საბჭოსათვის კონსულტაციის გაწევა და სხვა.
