ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 14 მაისი 2026
საქართველოს სტატისტიკის ეროვნული სამსახურის აღმასრულებელი დირექტორის მოადგილე პაატა შავიშვილი „ევროპისა და ცენტრალური აზიის ზრუნვის ფორუმში“ (Europe and Central Asia Care Forum 2026) მონაწილეობდა, რომელიც 11-12 მაისს ქ. სტამბულში გაიმართა.
ფორუმის ფარგლებში პაატა შავიშვილმა წარადგინა საქართველოს გამოცდილება დროის გამოყენების გამოკვლევის ძირითადი შედეგებისა და შინამეურნეობებში აუნაზღაურებელი შრომის შეფასების სატელიტური ანგარიშის მიმართულებით. მან ისაუბრა აუნაზღაურებელი ზრუნვისა და შრომის ეკონომიკური მნიშვნელობის შეფასების პრაქტიკაზე და ხაზი გაუსვა ხარისხიანი სტატისტიკური მონაცემების როლს მტკიცებულებებზე დაფუძნებული პოლიტიკის დაგეგმვის პროცესში.
ამასთან, პაატა შავიშვილი მონაწილეობდა პანელურ დისკუსიაში — „დემოგრაფიული ცვლილებები, ზრუნვის საჭიროებები და მონაცემების მნიშვნელობა“, სადაც ისაუბრა ზრუნვის სფეროში გაუმჯობესებული მონაცემების მნიშვნელობაზე ეფექტიანი პოლიტიკის ფორმირებისა და გადაწყვეტილებების მიღების პროცესში.
ფორუმი ორგანიზებული იყო UN Women-ის მიერ და მასში მონაწილეობდნენ სხვადასხვა ქვეყნების მთავრობების, საერთაშორისო ორგანიზაციებისა და აკადემიური წრეების წარმომადგენლები ევროპისა და ცენტრალური აზიის 40-ზე მეტი ქვეყნიდან.
