ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 12 ივნისი 2026
10-12 ივნისს, კახეთში, საქართველოს ადგილობრივ თვითმმართველობათა ეროვნული ასოციაციასა (ათეა) და გაეროს ქალთა ორგანიზაციასთან (UN Women) თანამშრომლობით რეგიონული შეხვედრა გაიმართა, რომელიც ქალისა და კაცის თანასწორობის ადგილობრივი პოლიტიკის გაძლიერებას მიეძღვნა. შეხვედრას აღმასრულებელი და საკანონმდებლო ხელისუფლების, ასევე აღმოსავლეთ საქართველოს მუნიციპალიტეტების მერები ესწრებოდნენ.
შეხვედრის ფარგლებში მონაწილეებმა განიხილეს ქალთა და კაცთა თანასწორობის ხელშეწყობის მიმართულებით ადგილობრივი პოლიტიკის განვითარება, მუნიციპალური სერვისების გაუმჯობესება, ქალთა გაძლიერების საკითხები და მუნიციპალიტეტების როლი თანასწორი შესაძლებლობების უზრუნველყოფაში.
შეხვედრაზე გოგიტა თოდრაძემ მონაწილეებს გააცნო საქართველოს სტატისტიკის სისტემის განვითარების ძირითადი პრიორიტეტული მიმართულებები, ინტერაქტიული პორტალები, ასევე მოსახლეობის 2024 წლის აღწერის შედეგები.
რეგიონული შეხვედრის მიზანი იყო ადგილობრივი ხელისუფლების წარმომადგენლებთან თანამშრომლობის გაძლიერება, გამოცდილების გაზიარება და თანასწორი შესაძლებლობების პრინციპების უფრო ეფექტიანად დანერგვა, მუნიციპალურ პოლიტიკასა და პროგრამებში. განსაკუთრებული ყურადღება გამახვილდა მტკიცებულებებზე დაფუძნებული გადაწყვეტილებების მიღების მნიშვნელობაზე, სადაც ოფიციალური სტატისტიკა წარმოადგენს პოლიტიკის დაგეგმვის, მონიტორინგისა და შეფასების ძირითად საფუძველს, რაც ხელს უწყობს მიზნობრივი და ეფექტიანი მუნიციპალური სერვისების განვითარებას.
