საქართველოს სტატისტიკის ეროვნულმა სამსახურმა განახლებული ვებ-გვერდისა და რეგიონული სტატისტიკის პორტალის პრეზენტაცია გამართა. სასტუმრო ,,რედისონ ბლუ ივერიაში“ ჩატარებულ ღონისძიებაზე წარმოდგენილი იყო უწყების საიტის განახლებული რუკა, რომელზეც დეტალურადაა დატანილი კონკრეტული რეგიონის ამსახველი სტატისტიკური მონაცემები. 
საქართველოს სტატისტიკის ეროვნული სამსახურის აღმასრულებელი დირექტორის, მერი დაუშვილის განცხადებით, უწყების ვებ-გვერდისთვის ძალიან მნიშვნელოვანია მსგავსი ტიპის განახლებები და საქსტატის პორტალზე ინოვაციური სახის მონაცემების განთავსება. მისი თქმით, ეს არის სიახლე, რომელიც უწყების ვებ-გვერდის მომხმარებელს საშუალებას მისცემს კიდევ უფრო გამარტივებულად და სწრაფად მოიძიოს მისთვის სასურველი რეგიონის სტატისტიკური ინფორმაცია. 
ღონისძიებას სამთავრობო უწყების წევრების გარდა, არასამთავრობო და საერთაშორისო ორგანიზაციების წარმომადგენლებიც ესწრებოდნენ.