საქართველოს სტატისტიკის ეროვნულ სამსახურში საქსტატსა და შვედეთის სტატისტიკის თანამშრომლობის პროექტის წლის შემაჯამებელი შეხვედრა გაიმართა. უწყებაში გამართულ ორმხრივ შეხვედრაზე მხარეებმა გასული წლის განმავლობაში პროექტის საქმიანობის ფარგლებში მიღწეული შედეგები შეაჯამეს და მიმდინარე საკითხებზე და სამომავლო გეგმებზეც ისაუბრეს. შეხვედრაზე ასევე გაკეთდება ანგარიში 2016 წელს განხორციელებული მოკლევადიანი მისიების, საქსტატის თანამშრომელთა ტრენინგებისა და შვედეთში შემდგარი გაცნობითი ვიზიტების შესახებ. 
როგორც ცნობილია, საქსტატსა და შვედეთის სტატისტიკას შორის თანამშრომლლობის პროექტი 2011 წლიდან მიმდინარეობს. 2015 წელს დაიწყო პროექტის მეორე ფაზა, რომელიც 2018 წლამდე გაგრძელდება. მიმდინარე პროექტის ფარგლებში შვედეთის სტატისტიკა საქსტატს ტექნიკურ დახმარებას უწევს ინფლაციის, მთლიანი შიდა პროდუქტის, გარემოს სტატისტიკის, გენდერული სტატისტიკის, თანამშრომელთა ტრენინგის და სხვა ძირითადი სტატისტიკური კომპონენტების ხარისხის გაუმჯობესების მიმართულებით. პროექტი სრულად დაფინანსებულია შვედეთის საერთაშორისო განვითარების სააგენტოს მიერ.
 საქასტატში გამართულ შეხვედრას საქსტატის, შვედეთის სტატისტიკის სამსახურის და შვედეთის საერთაშორისო განვითარების სააგენტოს (Sida) წარმომადგენლები დაესწრნენ.