სიმონ გელაშვილი

დაბადების თარიღი:

1954 წლის 15 ნოემბერი.

2 30 30 59

2018 წლის ივლისიდან საქსტატის საბჭოს წევრი.

2006 წლის ივლისიდან ივ. ჯავახიშვილის სახელობის თბილისის სახელმწიფო უნივერსიტეტის ეკონომიკური და სოციალური სტატისტიკის კათედრის ხელმძღვანელია.

1978-1996 წლებში მუშაობდა საქართველოს ცენტრალურ სტატისტიკურ სამმართველოში (საქართველოს სტატისტიკის სახელმწიფო კომიტეტში) სხვადასხვა თანამდებობაზე (ეკონომისტიდან სამმართველოს უფროსისა და თავმჯდომარის ეკონომიკური მრჩეველის პოზიციებზე). 1999–2001 წლებში იყო საქართველოს სტატისტიკის სახელმწიფო დეპარტამენტის სამეცნიერო-ინფორმაციული ცენტრის დირექტორი; 2000 წლის იანვრიდან ივ. ჯავახიშვილის სახელობის თბილისის სახელმწიფო უნივერსიტეტის სტატისტიკის კათედრის პროფესორია. 2001-2005 წლებში იყო საქართველოს სტატისტიკის სამეცნიერო-კვლევითი ინსტიტუტის დირექტორი; 2005-2012 წლებში საქართველოს ეროვნული ბანკის საბჭოს წევრი. 2018 წლის ივნისიდან საქართველოს სტატისტიკის ეროვნული სამსახურის საბჭოს წევრი.

სიმონ გელაშვილს მიღებული აქვს უმაღლესი განათლება ივ. ჯავახიშვილის სახ. უნივერსიტეტში, ეკონომიკის ფაკულტეტზე სტატისტიკის სპეციალობით, ასპირანტურა და დოქტორანტურა - ასევე თსუ-ში და მოსკოვის საფინანსო-ეკონომიკურ ინსტიტუტსა და პოტსდამის უნივერსიტეტში (გერმანია). 1988 წელს მოიპოვა ეკონომიკურ მეცნიერებათა კანდიდატის, ხოლო 1999 წელს ეკონომიკურ მეცნიერებათა დოქტორის ხარისხი.

გამოქვეყნებული აქვს 107 სამეცნიერო შრომა ქართულ, ინგლისურ, გერმანულ და რუსულ ენებზე, მათგან 21 - საზღვარგარეთ.

დაჯილდოებულია ღირსების ორდენით და ივანე ჯავახიშვილის მედლით.

ფლობს გერმანულ და რუსულ ენებს.

ჰყავს მეუღლე და სამი შვილი.