შეხვედრა გენდერულ საკითხებზე

თარიღი: 27 სექტემბერი 2010

27 სექტემბერს 14.00 საათზე სასტუმრო ბეტსიში (მის. მაყაშვილის 32/34) გაეროს ევროპის ეკონომიკური კომისიის სტატისტიკის განყოფილების ინიციატივით, გაეროს ქალთა ფონდის საქართველოს ოფისის ორგანიზებით და მსოფლიო ბანკის ფინასური მხარდაჭერით ჩატარდება სუბ-რეგიონული სემინარი გენდერული სტატისტიკის შესახებ. 

სემინარს გახსნიან გაეროს ევროპის ეკონომიკური კომისიის დემოგრაფიული და სოციალური სტატისტიკის განყოფილების უფროსი ანდრეს ვიკატი და საქსტატის აღმასრულებელი დირექტორი ზაზა ჭელიძე. 
სემინარის მიზანია სტატისტიკური ინფორმაციის მწარმოებლებისა და მომხმარებლების ტრენინგისა და დისკუსიის საფუძველზე გენდერული სტატისტიკის შესახებ მონაცემთა შეგროვების, დამუშავების და გავრცელების პროცესის განხილვა, აგრეთვე, გენდერულად რელევანტური მონაცემების შემდგომი ქმედებების განსაზღვრა.  სემინარის მუშაობაში მონაწილეობას მიიღებენ აზერბაიჯანის, ბელორუსიის მოლდოვას, რუსეთის, საქართველოს, სომხეთისა და უკრაინის სტატისტიკის სამსახურის წარმომადგენლები და სტატისტიკური ინფორმაციის მომხმარებლები.
სემინარზე განხილული იქნება შემდეგი საკითხები: გენდერული სტატისტიკის მხარდაჭერა, ქალთა მიმართ ძალადობა, ოჯახისა და სამსახურის შეთავსება, გენდერი და მოსახლეობის ქვეჯგუფები, არაფორმალური დასაქმების საკითხები გენდერული თვალსაზრისით და სხვ. სემინარი 29 სექტემბრამდე გაგრძელდება.