საქართველოს სტატისტიკის ეროვნულმა სამსახურმა 2018 წლის სამომხმარებლო კალათა დაამტკიცა. სამომხმარებლო კალათა გამოიყენება სამომხმარებლო ფასების ინდექსის (ქვეყანაში არსებული ინფლაციის დონის) გასაანგარიშებლად და ასახავს ქვეყნის საშუალო მომხმარებლის დანახარჯების სტრუქტურას.
2018 წლის სამომხმარებლო კალათა წინა წლის იდენტურია. იგი მოიცავს 305 დასახელების სამომხმარებლო საქონელსა და მომსახურებას. მიმდინარე წელს განახლებულია სამომხმარებლო კალათაში შემავალი საქონლისა და მომსახურების წონები. განახლებული სამომხმარებლო კალათა ასახავს მოსახლეობის დანახარჯების უახლეს სტრუქტურას, რაც უფრო საიმედოს ხდის სამომხმარებლო ფასების ინდექსს - ინფლაციის მაჩვენებელს.
2018 წლის განახლებული სამომხმარებლო კალათა ეფუძნება ეროვნულ ანგარიშთა სისტემით განსაზღვრულ მოხმარების სტრუქტურას. სამომხმარებლო კალათის ჯგუფების და ინდივიდუალური საქონლის (მომსახურების) წონები ეფუძნება ეროვნულ ანგარიშთა სისტემით განსაზღვრულ მოხმარების სტრუქტურასა და შინამეურნეობების ინტეგრირებული გამოკვლევიდან მიღებულ ინფორმაციას.
2018 წლის სამომხმარებლო კალათა იხილეთ საქსტატის ოფიციალურ ვებ-გვერდზე: