27-30 მარტს ქალთა გაძლიერების კვირეული იმართება

თარიღი: 27 მარტი 2018

"ქალის როლი ეკონომიკის ზრდასა და რეფორმების შემუშავებაში" - ამ სახელწოდების კვირეული გაიხსნა დღეს სასტუმრო რედისონ ბლუ ივერიაში. ღონისძიება ყოველწლიურია და წელს უკვე მეოთხედ ტარდება. ღონისძიების მთავარი მიზანია ქალების როლის გაძლიერება ქვეყნის მართვაში, ბიზნესსა და სამოქალაქო საზოგადოებაში. კვირეულის ფარგლებში მონაწილეები განიხილავენ ისეთ მნიშვნელოვან თემებს როგორიცაა ფინანსებთან წვდომა, ქალი და ინოვაცია, ქალის როლი ენერგეტიკაში, ტრანსპორტსა და ლოჯისტიკაში. 

კონფერენციაში მონაწილეობენ წარმატებული ქალბატონები, როგორც კერძო და საჯარო სექტორებიდან, ასევე არასამათვრობო და საერთაშორისო ორგანიზაციებიდან. ისინი დამსწრე საზოგადოებას საკუთარ გამოცდილებას გაუზიარებენ. ღონისძიება გაიხსნა მეწარმე ქალების პროდუქციის გამოფენა-გაყიდვით. 
ღონისიძებაზე გამოვლინდნენ წლის ლიდერი ქალები ბიზნესში, მთავრობასა და არასამთავრობო ორგანიზაციაში. ნომინაციაში "ლიდერი ქალი მთავრობაში" წარდგენილი იყო საქსტატის აღმასრულებელი დირექტორის მოადგილე მაია გუნცაძე. 
კვირეული იმართება G4G-ის და ქალთა ბიზნეს საბჭოს მიერ ორგანიზებული ყოველწლიური კონფერენციის „ქალის როლი ეკონომიკის ზრდასა და რეფორმების შემუშავებაში“ ფარგლებში.