საქსტატს ჩინეთის საელჩოს წარმომადგენლები სტუმრობდნენ

თარიღი: 26 ივლისი 2018

26 ივლისს საქსტატის აღმასრულებელმა დირექტორმა გოგიტა თოდრაძემ ჩინეთის საელჩოს წარმომადგენლებს უმასპინძლა. ჩინეთის მხარეს ხელმძღვანელობდა ელჩის მრჩეველი სავაჭრო-ეკონომიკურ საკითხებში, ბატონი ვან ლიანპო.
შეხვედრისას, ჩინეთის მხარემ, საქსტატთან მომავალი თანამშრომლობის გაღრმავების სურვილი გამოთქვა. საქსტატის აღმასრულებელმა დირექტორმა უწყების კომპეტენციაში შემავალი საკითხების და ინფორმაციული მხარდაჭერის მიმართულებით სრული მხარდაჭერა გამოხატა.
საქართველოსა და ჩინეთს შორის სავაჭრო-ეკონომიკური ურთიერთობები ბოლო პერიოდში ზრდის ტენდენციით ხასიათდება, რაც განსაკუთრებით გამოიკვეთა ჩინეთთან გაფორმებული თავისუფალი ვაჭრობის შეთანხმების შემდეგ.
მხარეები მომავალი თანამშრომლობის ფორმატზე შეთანხმდნენ, რაც ხელს შეუწყობს ორ ქვეყანას შორის როგორც სავაჭრო-ეკონომიკური ურთიერთობების გაღრმავებას, ისე სტატისტიკური ინფორმაციის რეგულარულად გაცვლის უზრუნველყოფას.

წელი