საჯარო ლექცია ივანე ჯავახიშვილის სახელობის თბილისის სახელმწიფო უნივერსიტეტში

თარიღი: 17 დეკემბერი 2018

დღეს საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტზე საჯარო ლექცია ჩაატარა თემაზე: „საქართველოს სტატისტიკის სისტემის განვითარების ძირითადი მიმართულებები: არსებული მდგომარეობა და სამომავლო გეგმები“. შეხვედრას ფაკულტეტის პროფესორ მასწავლებლები და სტუდენტები ესწრებოდნენ. 

გოგიტა თოდრაძემ მონაწილეებს პრეზენტაციის სახით ქვეყანაში სტატისტიკის სისტემის განვითარების ძირითადი მიმართულებები, ბოლო პერიოდში საქსტატში განხორციელებული ცვლილებები და სამომავლო გეგმები გააცნო. 
პრეზენტაციის შემდეგ შეხვედრა კითხვა-პასუხის რეჟიმში წარიმართა. სტუდენტებმა და პროფესორ მასწავლებლებმა მათთვის საინტერესო საკითხებზე დეტალური ინფორმაცია მიიღეს.