საქსტატი ევროპის განვითარების დღეებისადმი მიძღვნილ ღონისძიებაში მონაწილეობს

თარიღი: 19 ივნისი 2019

საქსტატის აღმასრულებელი დირექტორი გოგიტა თოდრაძე, ქ. ბრიუსელში, ევროპის განვითარების დღეების (EDD) ფარგლებში ორგანიზებულ შეხვედრებში, მომხსენებლის რანგში მონაწილეობს.

 

2019 წლის 18 ივნისს, სტატისტიკის საკითხებზე გამართულ პანელურ დისკუსიაში, რომელსაც მოდერატორობას ევროპის სტატისტიკის სამსახური - ევროსტატი უწევდა, საქსტატთან ერთად მონაწილეობდნენ საფრანგეთის სტატისტიკის სამსახურის (INSEE), ასევე საფრანგეთის საერთაშორისო ტექნიკური დახმარების სააგენტოსა (Expertise France) და ტრენინგებისა და სტატისტიკური კვლევების  ინსტიტუტის (AITRS) ხელმძღვანელი პირები.

 

თავისი მოხსენების ფარგლებში გოგიტა თოდრაძემ ისაუბრა სტატისტიკური მონაცემების როლსა და მნიშვნელობაზე, საქართველოს სტატისტიკის სისტემის განვითარების ძირითად მიმართულებებზე და არსებულ გამოწვევებზე. მან ხაზი გაუსვა ინტენსიური საერთაშორისო თანამშრომლობის მნიშვნელობას, ქვეყანაში სტატისტიკის სისტემის განვითარებისა და მისი შემდგომი გაუმჯობესების თვალსაზრისით.

 

ევროპის განვითარების დღეები ევროკომისიის ორგანიზებით, 2006 წლიდან ყოველწლიურად აღინიშნება. ის წარმოადგენს ევროპის წამყვან ფორუმს,  რომელიც სხვადასხვა ქვეყნის 8000-მდე მონაწილეს აერთიანებს. საქსტატი მოცემული სტატუსით აღნიშნულ ღონისძიებაში პირველად მონაწილეობს.

 

შეხვედრის დეტალები ხელმისაწვდომია შემდეგ ბმულზე:
https://www.eudevdays.eu/community/sessions/2316/serving-development-and-fighting-inequalities-through-quality-statistics