დანიელი ექსპერტების მისია საქსტატში

თარიღი: 11 ოქტომბერი 2019

საქართველოს სტატისტიკის ეროვნულმა სამსახურმა, ევროკავშირის მიერ დაფინანსებული Twinning-ს პროექტის ფარგლებში, საერთაშორისო ექსპერტთა მისიას უმასპინძლა. დანიელმა ექსპერტებმა ვიზიტის ფარგლებში სამუშაო შეხვედრები საქსტატის ეროვნული ანგარიშების დეპარტამენტის თანამშრომლებთან გამართეს.
 

მისიის ფარგლებში ეროვნული ანგარიშების სისტემის ახალი მეთოდოლოგიის (SNA 2008) დანერგვასთან დაკავშირებული საკითხები განიხილეს,რომელზე გადასვლასაც საქსტატი მიმდინარე წლის ნოემბრიდან გეგმავს. ეროვნული ანგარიშების სისტემის ახალი მეთოდოლოგიის (SNA 2008) დანერგვის ვალდებულება განსაზღვრულია საქართველოსა და ევროკავშირს შორის ასოცირების შესახებ შეთანხმებით.
 

აღნიშნული პროექტის განხორციელება, საქსტატის და დანიის სტატისტიკის მიერ, მიმდინარე წლის აპრილიდან დაიწყო და 24 თვის განმავლობაში გაგრძელდება. პროექტის მიზანია ხელი შეუწყოს საქართველოს სტატისტიკის შესაძლებლობების შემდგომ გაძლიერებას, საქსტატის მიერ დროული, საერთაშორისო დონეზე შესადარისი და სანდო მონაცემების წარმოების თვალსაზრისით.

წელი