ურთიერთთანამშრომლობის მემორანდუმი

თარიღი: 17 ოქტომბერი 2019

საქართველოს სტატისტიკის ეროვნულ სამსახურსა და საქართველოს ხორბლისა და ფქვილის მწარმოებელთა ასოციაციას შორის ურთიერთთანამშრომლობის მემორანდუმი გაფორმდა. იმავე დღეს მსგავსი სახის მემორანდუმს მოეწერა ხელი საქართველოს პურის მრეწველთა კავშირთან. დოკუმენტები ხელმომწერ მხარეებს შორის თანამშრომლობის პრინციპებს განსაზღვრავს. 

მემორანდუმს ხელი საქსტატის აღმასრულებელმა დირექტორმა გოგიტა თოდრაძემ და ორივე ასოციაციის ხელმძღვანელმა მოაწერა. საქსტატის ხელმძღვანელის განცხადებით, დოკუმენტი მხარეებს შორის საჭირო და მნიშვნელოვანი ინფორმაციის გაცვლას შეუწყობს ხელს. გოგიტა თოდრაძის თქმით, სტატისტიკის ეროვნული სამსახური მზადაა მხარეებთან მეთოდოლოგიურ საკითხებზე ითანამშრომლოს და ურთიერთსასარგებლო რეკომენდაციების გაწევის საფუძველზე თემატური სამუშაო შეხვედრები მოაწყოს. 

საქართველოს ხორბლისა და ფქვილის მწარმოებელთა ასოციაციის ხელმძღვანელის, ლევან სილაგავას თქმით კი, საქართველოს სტატისტიკის ეროვნულ სამსახურსა და საქართველოს ხორბლისა და ფქვილის მწარმოებელთა ასოციაციას  შორის თანამშრომლობა ხელს შეუწყობს ასოციაციაში გაერთიანებულ ბიზნეს წრეების უზრუნველყოფას ხარისხიანი და ობიექტური სტატისტიკური ინფორმაციით. 

წელი