ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 1 ნოემბერი 2019
საქართველოს სტატისტიკის ეროვნულმა სამსახურმა საერთაშორისო სავალუტო ფონდის დელეგაციას უმასპინძლა, რომელსაც ქ-ნი მერსედეს ვერა-მარტინი და საერთაშორისო სავალუტო ფონდის საქართველოს წარმომადგნელობის ხელმძღვანელი - ბ-ნი სელიმ ჩაკირი ხელმძღვანელობდნენ.
შეხვედრის მიზანს წარმოადგენდა საქსტატში ეროვნული ანგარიშების, ფასების და საგარეო სექტორის სტატისტიკის მიმართულებით არსებული მდგომარეობის მიმოხილვა, ახალი მეთოდოლოგიებისა და სტანდარტების დანერგვის, ასევე თანამედროვე ტექნოლოგიების გამოყენების შესაძლებლობების შეფასება და სამომავლო გეგმების შემუშავება.
საქსტატში გამართულ შეხვედრაზე განსაკუთრებული ყურადღება დაეთმო ეროვნული ანგარიშების მაჩვენებლების განახლების საკითხებს. საქსტატის აღმასრულებელმა დირექტორმა - გოგიტა თოდრაძემ სავალუტო ფონდის წარმომადგენლებს დეტალურად გააცნო ეროვნული ანგარიშების სისტემის ახალი მეთოდოლოგიის (SNA 2008) დანერგვასთან დაკავშირებული პროცესები. მისი თქმით, საქსტატის თანამშრომლები, დანიელ კოლეგებთან და სავალუტო ფონდის ექსპერტებთან ერთად, ინტენსიურად აგრძელებენ მუშაობას აღნიშნული მიმართულებით. შესაბამისად, ახალი მეთოდოლოგიით შეფასებული ეროვნული ანგარიშების მონაცემები, საზოგადოებისთვის 15 ნოემბერს გახდება ცნობილი.
შეხვედრაზე ასევე ისაუბრეს საქსტატისა და საერთაშორისო სავალუტო ფონდის სამომავლო თანამშრომლობაზე და სხვადასხვა მიმართულებით ტექნიკური დახმარების საჭიროებაზე. უწყების ხელმძღვანელის თქმით, საერთაშორისო ექსპერტებთან მუშაობა მნიშვნელოვან როლს თამაშობს ქვეყნის სტატისტიკის სისტემის განვითარებისა და გაძლიერების თვალსაზრისით.
