საქსტატის შეხვედრა ბიზნეს ასოციაციასთან

თარიღი: 2 აგვისტო 2011

2011 წლის 3 აგვისტოს, 13:00 საათზე, საქართველოს ბიზნეს ასოციაციის ოფისში შედგება საქსტატის აღმასრულებელი დირექტორის ზაზა ჭელიძის სამუშაო შეხვედრა საქართველოს ბიზნეს ასოციაციასთან და ბიზნეს კომპანიების წარმომადგენლებთან. შეხვედრის ძირითადი მიზანი ინფლაციის დათვლის მეთოდოლოგიის განხილვა და 2011 წლის ივლისის ინფლაციის გაცნობა იქნება.
ამასთანავე, საქსტატის აღმასრულებელი დირექტორი შეხვედრის მონაწილეებს გააცნობს ყოველთვიური ეკონომიკური შეფასებების სტატისტიკას. საუბარი შეეხება მთლიანი შიდა პროდუქტის ზრდის ყოველთვიურ წინასწარ შეფასებებს.
შეხვედრა გაიმართება საქართველოს ბიზნეს ასოციაციის ოფისში (მის: კოტე მარჯანიშვილის ქუჩა 5, IV სართული, ოთახი 406).