ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 8 ივნისი 2017
დღეს საქსტატის მრჩეველთა საბჭოს პირველი სხდომა გაიმართა. საქსტატის მრჩეველთა საბჭო 16 წევრისგან შედგება და მის შემადგენლობაში შედიან აკადემიური წრეების, საერთაშორისო ორგანიზაციების, საჯარო და ბიზნეს სექტორის წარმომადგენლები და ექსპერტები.
საქსტატის მრჩეველთა საბჭო წარმოადგენს საკონსულტაციო ორგანოს. მის ფუნქციებს წარმოადგენს - საქსტატისათვის სტატისტიკურ საქმიანობასთან დაკავშირებით კონსულტაციის გაწევა; სტატისტიკური სამუშაოების პროგრამის პროექტის ანალიზი და რეკომენდაციების შემუშავება; სტატისტიკურ საქმიანობაში გამოსაყენებელი სტატისტიკური სტანდარტებისა და მეთოდოლოგიის ანალიზი და საქსტატის საბჭოსათვის წინადადებების მომზადება; სტატისტიკური მეთოდების განხილვა და მის სრულყოფასთან დაკავშირებით საქსტატის საბჭოსათვის კონსულტაციის გაწევა, წინადადებების წარდგენა და დებულებით გათვალისწინებული სხვა აქტივობები.
ოფიციალურ სტატისტიკის შესახებ კანონში განხორციელებული ცვლილების შესაბამისად შეიქმნა საქსტატის დამოუკიდებელი ორგანო, მრჩეველთა საბჭო. ცვლილება დაეფუძნა 2013 წელს ევროსტატის მიერ საქართველოს ოფიციალური სტატისტიკის სისტემის გლობალურ შეფასებაში არსებულ რეკომენდაციას, რომლის თანახმადაც საქსტატთან დამოუკიდებელი ორგანოს შექმნა ხელს შეუწყობს მომხმარებელთა და მწარმოებელთა შორის დიალოგის გაღრმავებასა და საქართველოს სტატისტიკური სისტემის ევროპის საუკეთესო პრაქტიკასთან დაახლოებას.
