შვედი სტატისტიკოსების მისია საქსტატში

თარიღი: 15 სექტემბერი 2016

12–15 სექტემბერს საქსტატმა უმასპინძლა შვედეთის სტატისტიკის მისიას სტატისტიკური მონაცემების კონფიდენციალურობისა და მიკრომონაცემთა გავრცელების საკითხებზე. შვედეთის და საქართველოს სტატისტიკოსებმა შეაჯამეს პირველი მისიის (2016 წ. მარტი) რეკომენდაციების შესაბამისად შესრულებული სამუშაოები – კერძოდ, შვედი ექსპერტების მიერ გამოთქმული რეკომენდაციების საფუძველზე ჩამოყალიბდა კონფიდენციალურობის პოლიტიკის დოკუმენტისა და კონფიდენციალურობის ხელწერილის საბოლოო ვერსიები.
შეხვედრაზე დაიგეგმა მომავალი თანამშრომლობის საკითხები.