გაეროს ESCAP-ის სტატისტიკის კომიტეტის ბიუროს სხდომა საქსტატის აღმასრულებელი დირექტორის ხელმძღვანელობით ჩატარდა

თარიღი: 15 ივნისი 2021

დღეს, 15 ივნისს გაეროს ESCAP-ის  სტატისტიკის კომიტეტის ბიუროს მორიგი სხდომა ჩატარდა.

შეხვედრას, გაეროს აზიისა და წყნარი ოკეანის ეკონომიკური და სოციალური  კომისიის  (ESCAP) სტატისტიკის კომიტეტის თავჯდომარის რანგში საქსტატის აღმასრულებელი დირექტორი გოგიტა  თოდრაძე უძღვებოდა.    

დღევანდელი სხდომის თემას დიდი მონაცემების წარმოების სტრატეგიის განხილვა და მდგრადი განვითარების მიზნების 2030 წლის დღის წესრიგის განხორციელების  მონიტორინგისა და შეფასების საკითხები წარმოადგენდა. 

შეხვედრას ბიუროს წევრები, აზისისა და წყნარი ოკეანის ქვეყნების სტატისტიკური სამსახურების  ხელმძღვანელი პირები,  გაეროს  ESCAP-ის სტატისტიკური განყოფილების სამდივნო, ასევე საერთაშორისო და არასამთავრებო ორგანიზაციების წარმომადგენლები ესწრებოდნენ.     

შეგახსენებთ, რომ საქართველოს სტატისტიკის ეროვნული სამსახურის აღმასრულებელი დირექტორი გოგიტა თოდრაძე გაეროს აზიისა და წყნარი ოკეანის ეკონომიკური და სოციალური  კომისიის ბიუროს თავჯდომარედ, ორი წლის ვადით 2020 წლის აგვისტოში აირჩიეს. 
 

წელი