საქსტატი დანიელი ექსპერტების მისიებს მასპინძლობს

თარიღი: 29 ივნისი 2021

საქართველოს სტატისტიკის ეროვნული სამსახური, ევროკავშირის პროგრამა Twinning-ის პროექტის ფარგლებში, დანიის სტატისტიკის სამსახურთან თანამშრომლობას განაგრძობს.

 

აღნიშნული პროექტის ფარგლებში გასული თვის განმავლობაში საქსტატმა საერთაშორისო ექსპერტთა რამდენიმე მისიას უმასპინძლა.

 

შეხვედრები ონლაინ რეჟიმში მიმდინარეობდა, რომლის მიზანს წარმოადგენდა ეროვნული ანგარიშების მეთოდოლოგიისა და მეტამონაცემების შედგენასთან დაკავშირებული სამუშაოები.

 

მისიის ფარგლებში ექსპერტებმა, საქსტატის წარმომადგენლებთან ერთად,  განიხილეს ეროვნული შემოსავლის მეთოდოლოგიის დოკუმენტი და ერთიანი ინტეგრირებული მეტამონაცემების სტრუქტურა.  

 

Twinning-ის პროექტის განხორციელება, საქსტატის და დანიის სტატისტიკის სამსახურის მიერ, 2019 წლის აპრილიდან დაიწყო. პროექტის მიზანია ხელი შეუწყოს საქართველოს სტატისტიკის შესაძლებლობების შემდგომ გაძლიერებას, საქსტატის მიერ დროული, საერთაშორისო დონეზე შესადარისი და სანდო მონაცემების წარმოების თვალსაზრისით.