საქსტატმა გადასახადების კალკულატორის პრეზენტაცია გამართა

თარიღი: 17 სექტემბერი 2021

საქართველოს სტატისტიკის ეროვნულმა სამსახურმა ახალი პროდუქტის - ,,გადასახადების კალკულატორის“ პრეზენტაცია გამართა. ღონისძიებაზე, რომელიც ტექნოლოგიურ პარკში გაიმართა, საქსტატის აღმასრულებელმა დირექტორმა ახალი პროდუქტის მნიშვნელობაზე ისაუბრა. გოგიტა თოდრაძის განცხადებით, გადასახადების კალკულატორი  სტატისტიკური ინფორმაციის მომხმარებელს შესაძლებლობას აძლევს  ნახოს მიღებული შემოსავლიდან რა ნაწილს იხდის ფიზიკური პირი არაპირდაპირი გადასახადების სახით, სხვადასხვა საქონლისა თუ მომსახურების შეძენის დროს და როგორ ნაწილდება აღნიშნული თანხები საბიუჯეტო ხარჯებში.

გადასახადების კალკულატორი ითვალისწინებს ფიზიკური პირის მიერ გადახდილ საშემოსავლო გადასახადს და სხვადასხვა საქონლის თუ მომსახურების შეძენის დროს გადახდილ არაპირდაპირ გადასახადებს, როგორიცაა დღგ და აქციზი. კალკულატორი ატარებს მხოლოდ საინფორმაციო ხასიათს, მასში არ არის გათვალისწინებული ყველა გადასახადი.

საქსტატის ახალი პროდუქტი  ხელმისაწვდომია  უწყების ვებ-გვერდზე. იხილეთ ბმული: http://mytaxes.geostat.ge/mytaxes/