საერთაშორისო ექსპერტის სემინარი ოფიციალური სტატისტიკის მწარმოებელ უწყებებთან

თარიღი: 16 ივნისი 2022

16 ივნისს, სასტუმრო „თბილისი მარიოტში“, ოფიციალური სტატისიტიკის მწარმოებელი უწყებებისთვის ჩატარდა  სემინარი  - სტატისტიკის ეროვნული სისტემის კოორდინაციისა და სამართლებრივი ნორმების სრულყოფის საკითხებზე, რომელსაც ხელმძღვანელობდა ბრიტანელი ექსპერტი ბ-ნი მაიკ ჰიუზი.

 

აღსანიშნავია, რომ საერთშორისო ექსპერტის მისია ევროკავშირის მიერ დაფინანსებული პროექტის „სტატისტიკა აღმოსავლეთ პარტნიორობის ფარგლებში“ (STEP - Statistics Through Eastern Partnership) განხორციელდა.

 

ღონისძიების ფარგლებში დამსწრე საზოგადოებას საქსტატის აღმასრულებელმა დირექტორმა გოგიტა თოდრაძემ  მისასალმებელი სიტყვით მიმართა და მონაწილეებს ოფიციალური სტატისტიკის შესახებ საქართველოს კანონის განახლებული ვერსიის პროექტი წარუდგინა. 

 

შეხვედრაზე ბრიტანელმა ექსპერტმა სტატისტიკის ეროვნული სისტემის კოორდინაციის საფუძვლებსა და საკანონმდებლო ბაზის  საერთაშორისო სტანდარტებთან შესაბამისობაში მოყვანის აუცილებლობაზე ისაუბრა. ხაზი გაესვა კოორდინაციის პრაქტიკული მექანიზმების გამოყენების მნიშვნელობას გაეროს „ოფიციალური სტატისტიკის ფუნდამენტური პრინციპებისა“ და „ევროპის სტატისტიკის პრაქტიკის კოდექსის“ შესაბამისად.

 

შეხვედრის დასასრულს, მაიკ ჰიუზმა შეაჯამა მისიის შედეგები  და საქართველოს საგზაო რუკაზე დაყრდნობით, სამომავლო გეგმები ჩამოაყალიბა.  

 

შეხვედრის მეორე ნაწილი დაეთმო დისკუსიას, რომელიც მონაწილეების დიდი ინტერესის გათვალისწინებით კითხვა-პასუხის რეჟიმში წარიმართა. 

 

STEP-ი ევროსტატის მიერ ინიცირებული პირველი რეგიონული პროექტია, რომლის მიზანს წარმოადგენს აღმოსავლეთ პარტნიორობის ქვეყნებში (Eastern Partnership) ოფიციალური სტატისტიკის შესაძლებლობების განვითარება და გაძლიერება. 
 

წელი