საქართველოს სტატისტიკის ეროვნულმა სამსახურმა 103 წლის იუბილე აღნიშნა

თარიღი: 26 ივლისი 2022

საქართველოს სტატისტიკის ეროვნულმა სამსახურმა დაარსებიდან 103 წლის იუბილე აღნიშნა.  საიუბილეო თარიღთან დაკავშირებით გუშინ,  25 ივლისს,  საზეიმო ღონისძიება გაიმართა. 

 

ღონისძიებაზე დამსწრე საზოგადოებას, მისასალმებელი სიტყვით საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ, საქართველოს პარლამენტის დარგობრივი ეკონომიკისა და ეკონომიკური პოლიტიკის  კომიტეტის თავმჯდომარემ დავით სონღულაშვილმა, საქართველოს პარლამენტის დარგობრივი ეკონომიკისა და ეკონომიკური პოლიტიკის  კომიტეტის თავმჯდომარის მოადგილემ ეკა სეფაშვილმა, საქართველოს ეკონომიკისა და მდგრადი განვითარების მინისტრის მოადგილემ გენადი არველაძემ, საქართველოს ფინანსთა მინისტრის მოადგილემ მირზა გელაშვილმა და  საქართველოს ბიზნეს  ასოციაციის აღმასრულებელმა დირექტორმა ლევან ვეფხვაძემ მიმართეს.

 

გოგიტა თოდრაძემ დამსწრე საზოგადოებას მიულოცა სტატისტიკის სამსახურის  103  წლის იუბილე და პრეზენტაციის სახით, საქსტატში განხორციელებული და დაგეგმილი პროექტები წარუდგინა. მან მადლობა გადაუხადა სამსახურის თითოეულ თანამშრომელს ნაყოფიერი საქმიანობისთვის.   „1919 წლის 25 ივლისს შეიქმნა ქვეყნის პირველი სტატისტიკის სამსახური, რომელმაც განვითარების ძალიან რთული და იმავდროულად მნიშვნელოვანი გზა განვლო. ყველა სტატისტიკოს, ასევე საქსტატის ყველა გულშემატკივარს ვულოცავ დღევანდელ დღეს, ვუსურვებ წინსვლას და წარმატებებს პროფესიულ საქმიანობაში“- განაცხადა გოგიტა თოდრაძემ.

 

„ვულოცავ სტატისტიკის სამსახურს 103 წლის იუბილეს. ის ერთ-ერთი უძველესი სამსახურია ჩვენს ქვეყანაში. დღეს ვხედავთ, რომ სტატისტის სამსახური ყოველწლიურად აფართოებს და უფრო ხარისხიანს ხდის თავის საქმიანობას, რაც თავისთავად ხელს უწყობს და ეხმარება ქვეყანას სწორი ეკონომიკური პოლიტიკის დაგეგმვაში“ - აღნიშნა  საქართველოს პარლამენტის დარგობრივი ეკონომიკისა და ეკონომიკური პოლიტიკის  კომიტეტის თავმჯდომარემ დავით სონღულაშვილმა.

 

ღონისძიებაზე წარმატებულ და ღვაწლმოსილ თანამშრომლებს, ინფორმაციის მომწოდებელ საუკეთესო ბიზნეს კომპანიებს, ასევე საერთაშორისო და ადგილობრივ ორგანიზაციებს სპეციალური სიგელებით გადაეცათ.

 

103 წლის იუბილესადმი მიძღვნილ საზეიმო ღონისძიებაზე აღმასრულებელმა დირექტორმა  საპატიო სიგელი გადასცა საქსტატის ღვაწლმოსილ თანამშრომელს, რომლებიც სტატისტიკის სისტემაში უკვე 50 წელზე მეტია მუშაობს. 

 

ღონისძიებაზე მოწვეულმა სტუმრებმა, სპეციალურად ამ დღისთვის საქსტატის მიერ მომზადებული ვიდეო რგოლი იხილეს, სადაც ასახულია სტატისტიკის სამსახურის ისტორია და დღევანდელი საქმიანობა. 

 

ქვეყნის პირველი სტატისტიკის სამსახური 1919 წლის 25 ივლისს შეიქმნა. შესაბამისად აღნიშნული თარიღი საქართველოში ოფიციალური სტატისტიკის წარმოების დაწყებას უკავშირდება.