ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 19 აპრილი 2024
საქართველოს სტატისტიკის ეროვნულმა სამსახურმა, ევროპული სკოლის დამამთავრებელი კლასის მოსწავლეებს უმასპინძლა.
საქსტატის აღმასრულებელმა დირექტორმა გოგიტა თოდრაძემ მოსწავლეებს მიაწოდა ინფორმაცია პორტალის შესახებ და მათთან ერთად შემეცნებითი ქვიზები შეავსო. მოსწავლეებს განსაკუთრებით მოზარდებზე ორიენტირებული პორტალი მოეწონათ, რომელიც 13-დან 19 წლის ასაკის ახალგაზრდებზეა მორგებული. პორტალის ამ ნაწილში წარმოდგენილია საინტერესო ინფორმაცია საქართველოს შესახებ. მოზარდები ასევე გაეცნენ სახალისო სტატისტიკურ ფაქტებს.
საქსტატში სკოლის მოსწავლეებმა დაათვალიერეს ასევე სტატისტიკის მუზეუმი, სადაც განთავსებულია უწყების ასწლოვანი ისტორიის ამსახველი ფოტო მასალა და გამოთვლითი ტექნიკა. მოსწავლეები ასევე გაეცნენ სტატისტიკის ეროვნული სამსახურის მუშაობის ზოგად პრინციპებსა და უწყების ერთსაუკუნოვან ისტორიას.
საქსტატი მომავალშიც აქტიურად გეგმავს მოზარდებისთვის შემეცნებითი შეხვედრების გამართვას.
