ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 23 ივნისი 2025
23 ივნისს საქსტატი დისტანციური ზონდირების თანამედროვე მეთოდოლოგიით საპილოტე მონაცემების შეგროვებას იწყებს. პროექტი ხორციელდება აზიის განვითარების ბანკის (ADB) ტექნიკური დახმარების პროექტის ფარგლებში - „ახალი სტატისტიკური რესურსების განვითარება და შესაძლებლობების ზრდა მონაცემთა ახალ წყაროებსა და ტექნოლოგიებში“
საპილოტე მონაცემების შეგროვების მიზანია დისტანციური ზონდირების ტექნოლოგიების გამოყენებით, მიწის ნაკვეთებისა და ნათესი ფართობების შეფასება და სოფლის მეურნეობის სტატისტიკის ხარისხის გაუმჯობესების შესაძლებლობების შესწავლა. საპილოტე სამუშაოები განხორციელდება კახეთის რეგიონში, კონკრტულად საგარეჯოს მუნიციპალიტეტში. მონაცემების შეგროვება მოხდება სატელიტური გამოსახულებებისა და მიწის ზედაპირის დისტანციური დაკვირვების თანამედროვე ინსტრუმენტების მეშვეობით, საერთაშორისო პრაქტიკის შესაბამისად. პროექტის შედეგები გამოყენებული იქნება დისტანციური ზონდირების სისტემის შემდგომი დანერგვისთვის და ოფიციალური სტატისტიკის წარმოების პროცესში ინტეგრირებისთვის.
მონაცემთა შეგროვების შემდეგ ჩატარდება სპეციალიზებული ტრენინგი, რომლის მიზანია დისტანციური ზონდირებით მიღებული მონაცემების დამუშავებისა და ანალიზის უნარების გაძლიერება.
აღნიშნულ პროექტში საქსტატის მხრიდან მონაწილეობას მიიღებენ სოფლის მეურნეობის სტატისტიკისა და გეოგრაფიულ საინფორმაციო სისტემებზე (GIS) მომუშავე თანამშრომლები. ტრენინგს ჩაატარებენ აზიის განვითარების ბანკის მოწვეული ექსპერტები.
აღნიშნული პროექტი 2025 წლის 2 ივლისს დასრულდება.
