ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 22 ივლისი 2025
2025 წლის 21–22 ივლისს გაიმართა მეცნიერებისა და ტექნოლოგიების ინდიკატორების ქსელის (ASTI) საპილოტე პროექტის პირველი შედეგების პრეზენტაცია.
ღონისძიება ჩატარდა გაეროს სურსათისა და სოფლის მეურნეობის ორგანიზაციის (FAO) და საქართველოს ტექნიკური უნივერსიტეტის სამეცნიერო და ტექნიკური ინფორმაციის ინსტიტუტის – „ტექინფორმის“ კოორდინირებით, საქართველოს სოფლის მეურნეობის მეცნიერებათა აკადემიასა და საქართველოს სტატისტიკის ეროვნული სამსახურთან (საქსტატი) მჭიდრო პარტნიორობით.
ღონისძიებაზე სიტყვით გამოვიდა საქსტატის აღმასრულებელი დირექტორი გოგიტა თოდრაძე. თავის მოხსენებაში მან განსაკუთრებული ყურადღება გაამახვილა სოფლის მეურნეობის სტატისტიკის მაჩვენებლების მნიშვნელობაზე სექტორის განვითარების პროცესში.
აღსანიშნავია, რომ საქართველო 2024 წელს შეირჩა ASTI-ის საპილოტე პროგრამის ფარგლებში ერთ-ერთ საცდელ ქვეყნად. საქსტატი აქტიურად იყო ჩართული პროექტის მეთოდოლოგიურ უზრუნველყოფაში.
პრეზენტაციას ესწრებოდნენ საერთაშორისო ექსპერტები FAO-დან, აკადემიური და სამეცნიერო წრეების წარმომადგენლები, აგრეთვე იმ ქვეყნების დელეგატები, რომლებიც დაინტერესებული არიან ASTI-ის მაჩვენებლების შემდგომ დანერგვაში. მათ შორის იყვნენ სომხეთის, აზერბაიჯანის, მოლდოვის, ყაზახეთის, უზბეკეთისა და ტაჯიკეთის სტატისტიკის სამსახურების წარმომადგენლები.
