ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 25 ივლისი 2025
25 ივლისს საქართველოში ტრადიციულად სტატისტიკის დღე აღინიშნება.
თარიღი უკავშირდება 1919 წლის 25 ივლისს პირველი სტატისტიკის სამსახურის შექმნას, რაც საფუძვლად დაედო ქვეყნის თანამედროვე სტატისტიკური სისტემის ჩამოყალიბებას. 2025 წელს აღნიშნული თარიღი ორმაგად მნიშვნელოვანია – საქართველოს სტატისტიკის ეროვნული სამსახური (საქსტატი) 106 წლის იუბილეს აღნიშნავს, ხოლო ივ. ჯავახიშვილის სახელობის თბილისის სახელმწიფო უნივერსიტეტის ეკონომიკური და სოციალური სტატისტიკის კათედრა 100 წლის გახდა.
საიუბილეო თარიღთან დაკავშირებით, საქსტატმა საზეიმო ღონისძიება გამართა, რომელსაც ესწრებოდნენ სახელმწიფო უწყებების, აკადემიური წრეებისა და პარტნიორი ორგანიზაციების წარმომადგენლები.
ღონისძიებაზე დამსწრე საზოგადოებას, მისასალმებელი სიტყვით მიმართეს საქართველოს სტატისტიკის ეროვნული სამსახურის აღმასრულებელმა დირექტორმა - გოგიტა თოდრაძემ, საქართველოს მთავრობის ადმინისტრაციის უფროსმა ლევან ჟორჟოლიანმა და თსუ-ს ეკონომიკისა და ბიზნეს ფაკულტეტის პროფესორმა, აკადემიკოსმა ვლადიმერ პაპავამ.
გოგიტა თოდრაძემ დამსწრე საზოგადოებას მიულოცა საქსტატის 106 წლის იუბილე და პრეზენტაციის ფორმატში გააცნო სამსახურის ძირითადი მიღწევები, მიმდინარე პროექტები და სამომავლო გეგმები. მან მადლობა გადაუხადა საქსტატის თითოეულ თანამშრომელს პროფესიონალიზმისა და თავდადებისთვის, რაც მნიშვნელოვანია სანდო სტატისტიკური ინფორმაციის შექმნისა და ქვეყნის განვითარებაში უწყების წვლილისთვის.
ღონისძიებაზე განსაკუთრებული ყურადღება დაეთმო იმ ადამიანებსა და ორგანიზაციებს, რომლებიც აქტიურად იყვნენ ჩართულნი 2024 წელს განხორციელებულ მოსახლეობის და სასოფლო-სამეურნეო აღწერაში. წარმატებულ და ღვაწლმოსილ თანამშრომლებს, აგრეთვე პარტნიორ ორგანიზაციებს, მადლობის სიგელები გადაეცათ აღწერის წარმატებით განხორციელებაში შეტანილი მნიშვნელოვანი წვლილისთვის.
ღონისძიების ფარგლებში თსუ-ის ეკონომიკური და სოციალური სტატისტიკის კათედრის ხელმძღვანელმა, პროფესორმა სიმონ გელაშვილმა წარმოადგინა პრეზენტაცია, რომელიც მიეძღვნა კათედრის დაარსებიდან დღემდე განვლილ მნიშვნელოვან გზას. მან ისაუბრა საქართველოში სტატისტიკის სწავლების განვითარებაზე, კათედრის როლზე პროფესიონალი კადრების აღზრდაში და საერთაშორისო თანამშრომლობის გაღრმავებაზე.
ღონისძიებაზე ხაზგასმით აღნიშნა, რომ სანდო სტატისტიკური მონაცემები მნიშვნელოვანია ქვეყნის სწორად განვითარებისთვის და მტკიცებულებებზე დაფუძნებული სწორი გადაწყვეტილების მისაღებად.
