მაღალი დონის სემინარი აღმოსავლეთ ევროპის, კავკასიისა და ცენტრალური აზიის ქვეყნების ეროვნული სტატისტიკური უწყებებისათვის

თარიღი: 28 ივნისი 2012

27–29 ივნისს თბილისში ევროკავშირის სტატისტიკური უწყების – ევროსტატის ორგანიზებით აღმოსავლეთ ევროპის, კავკასიისა და ცენტრალური აზიის ქვეყნების ეროვნული სტატისტიკური უწყებების ხელმძღვანელებისათვის, მაღალი დონის სემინარი გაიმართება.
სემინარში მონაწილეობას იღებენ როგორც ევროსტატის, ისე ევროკავშირის ცალკეული სახელმწიფოების წარმომადგენლები, აგრეთვე დსთ-ს 10 ქვეყნისა და თურქეთის სტატისტიკოსები.
სემინარის მონაწილეები წარმოადგენენ შესაბამისი უწყებების გამოცდილებას სტატისტიკური მონაცემების ხარისხის ამაღლებისა და ე.წ. მეტამონაცემების (მონაცემები მონაცემების შესახებ) სრულყოფის საკითხებში. განსაკუთრებული ყურადღება დაეთმობა რეგიონის ქვეყნებში არსებული მდგომარეობის ევროკავშირის სტანდარტებთან შესაბამისობას.
აღსანიშნავია, რომ ამ მაშტაბის სემინარი პირველად ტარდება არა მარტო საქართველოში არამედ რეგიონის მასშტაბითაც (წინა ორი სემინარი გერმანიასა და საბერძნეთში მოეწყო).
სემინარზე საქსტატის აღმასრულებელი დირექტორი მონაწილეებს ოფიციალური სტატისტიკის სფეროში უკანასკნელ წლებში საქართველოში გატარებულ რეფორმებს გააცნობს.