ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 2 ოქტომბერი 2025
1 ოქტომბერს, თბილისში, სასტუმრო „ბილტმორში“ გენდერული სტატისტიკის მე-10 გლობალური ფორუმის ფარგლებში, გაეროს აზიისა და წყნარი ოკეანის ეკონომიკურმა და სოციალურმა კომისიამ (UNESCAP) გამართა ღონისძიება „სამოქალაქო აქტების რეგისტრაციის და ბუნებრივი მოძრაობის სტატისტიკის (CRVS) სისტემების გაძლიერების“ შესახებ.
ღონისძიების ძირითადი მიზანი იყო სამოქალაქო აქტების რეგისტრაციის და ბუნებრივი მოძრაობის სტატისტიკის (CRVS) სისტემების გაძლიერება გენდერული სტატისტიკის განვითარებისათვის, რაც მნიშვნელოვანია მტკიცებულებებზე დაფუძნებული პოლიტიკის გასატარებლად.
შეხვედრაზე წარმოდგენილი იყო სხვადასხვა ქვეყნების გამოცდილება და ინოვაციური მიდგომები ქალისა და კაცის თანასწორობის ხელშეწყობის მიმართულებით. პანელურ დისკუსიაში მონაწილეობდნენ საქართველოს, მაროკოს სამეფოს და ჯიბუტის რესპუბლიკის სტატისტიკის ეროვნული სამსახურების, გაეროს მოსახლეობის ფონდის (UNFPA) და გაეროს ქალთა ორგანიზაციის (UN Women) წარმომადგენლები.
ღონისძიებამ კიდევ ერთხელ გაუსვა ხაზი თანამშრომლობის მნიშვნელობას სამოქალაქო აქტების რეგისტრაციის და ბუნებრივი მოძრაობის სტატისტიკის (CRVS) სისტემების განვითარებაში გენდერული თანასწორობის მისაღწევად. მონაწილეები შეთანხმდნენ რეგულარული გამოცდილების გაზიარების შესახებ და ერთობლივი ინიციატივების განხორციელებაზე.
