ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 4 ნოემბერი 2025
საქსტატის აღმასრულებელი დირექტორის მოადგილე ირაკლი აფხაიძე, გაეროს ევროპის ეკონომიკური კომისიის (UNECE), გარემოსდაცვითი სტატისტიკის გაერთიანებული სამუშაო ჯგუფის თავმჯდომარედ ორი წლის ვადით აირჩიეს.
გარემოსდაცვითი სტატისტიკის რიგით 22-ე სესია, მიმდინარე წლის 3-4 ნოემბერს ქალაქ ჟენევაში (შვეიცარიის კონფედერაცია) მიმდინარეობს.
აღნიშნული სამუშაო ჯგუფის სესიები ყოველწლიურად იმართება და მასში სხვადასხვა საერთაშორისო ორგანიზაციების (UNECE, EUROSTAT, UNSD, UNEP, OECD, UNITAR), ევროპისა და აზიის ქვეყნების სხვადასხვა უწყებებისა და სამინისტროების 50-ზე მეტი დელეგატი მონაწილეობს.
ირაკლი აფხაიძემ სიტყვით გამოსვლისას მადლობა გადაუხადა დელეგატებს გამოცხადებული ნდობისთვის და აღნიშნა, რომ ეს არის ნდობა გამოცხადებული ასევე, ქვეყნის და მისი სტატისტიკის სამსახურის მიმართ და წარმოადგენს საერთაშორისო აღიარებას იმ სტაბილური პროგრესისა, რომელსაც ჩვენი ქვეყანა აჩვენებს გარემოსდაცვითი სტატისტიკის განვითარების მიმართულებით.
სესიის მეორე დღეს, ირაკლი აფხაიძე დამსწრე საზოგადოებას წარუდგენს პრეზენტაციას, სადაც დეტალურად იქნება აღწერილი, თუ როგორ ახორციელებს საქსტატი UNECE-ის 2024 წლის სექტორული მიმოხილვის რეკომენდაციებს, მათ შორის ფიზიკური ენერგიის ნაკადებისა და ჰაერის ემისიის ანგარიშების შემუშავებას, უწყებათაშორისი კოორდინაციის მექანიზმების დანერგვას. განსაკუთრებული აქცენტი იქნება გაკეთებული ახლახანს შემუშავებულ გარემოს სტატისტიკის პორტალზე, რომელიც წარმოადგენს თანამედროვე პლატფორმას და უზრუნველყოფს გარემოსდაცვითი მონაცემების ღია წვდომას.
