ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 7 ნოემბერი 2025
საქსტატის აღმასრულებელი დირექტორი გოგიტა თოდრაძე და საქსტატის სტრატეგიული დაგეგმვისა და კოორდინაციის დეპარტამენტის უფროსი - ლაშა ჯინჯიხაძე, ყაზახეთის სტატისტიკის 105 წლის იუბილისადმი მიძღვნილ საერთაშორისო ფორუმში მონაწილეობენ, რომელიც 6-7 ნოემბრის პერიოდში ქ. ასტანაში იმართება.
მიმდინარე საერთაშორისო ფორუმის თემას წარმოადგენს „ეროვნული სტატისტიკის სისტემების ციფრული ტრანსფორმაცია“, რომლის ფარგლებშიც გოგიტა თოდრაძემ მონაწილეობა მიიღო სხვადასხვა პანელურ დისკუსიაში და მოხსენებით მიმართა მონაწილეებს. მოხსენებისას მან უცხოელ კოლეგებს გააცნო ქვეყნის სტატისტიკის სისტემაში უკანასკნელ პერიოდში განხორციელებული ცვლილებები და მიღწეული პროგრესი. ასევე, მან ისაუბრა სხვადასხვა მიმართულებით არსებულ გამოწვევებზე, სამომავლო გეგმებსა და პრიორიტეტებზე.
ფორუმში მონაწილეობენ სხვადასხვა საერთაშორისო ორგანიზაციების და პარტნიორი ქვეყნების სტატისტიკის სამსახურების ხელმძღვანელები, ასევე დიპლომატიური კორპუსის, ბიზნეს სექტორის და სამეცნიერო წრეების ადგილობრივი წარმომადგენლები.
საქსტატი განსაკუთრებულ ყურადღებას ამახვილებს ციფრული ტრანსფორმაციის პროცესზე, ინოვაციური მეთოდოლოგიების დანერგვაზე და მონაცემთა ხარისხის გაუმჯობესების ინიციატივებზე, რაც საქართველოს სტატისტიკის სისტემის მოდერნიზაციის ძირითადი მიმართულებებია.
