ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 18 ნოემბერი 2025
ბავშვებზე ორიენტირებული სტატისტიკის მნიშვნელობის პოპულარიზაციისა და მონაცემთა წიგნიერების გაძლიერების მიზნით, 17 ნოემბერს, სოხუმის სახელმწიფო უნივერსიტეტში საქართველოს სტატისტიკის ეროვნული სამსახურისა და გაეროს ბავშვთა ფონდის (UNICEF) ორგანიზებით შეხვედრა გაიმართა.
შეხვედრაში მონაწილეობდნენ ბავშვების უფლებათა აკადემიური ქსელის (CRANG) წევრები და პარტნიორი ორგანიზაციების წარმომადგენლები. შეხვედრის მიზანი იყო ბავშვებზე ორიენტირებული მონაცემების გამოყენების ხელშეწყობა, ასევე უნივერსიტეტების აკადემიური პერსონალის უნარების განვითარება, რათა მათ უფრო ეფექტურად შეძლონ მაღალი ხარისხის სტატისტიკური მონაცემების მოძიება, ანალიზი, ინტერპრეტაცია და მათი გამოყენება კვლევის, სწავლებასა და მტკიცებულებებზე დაფუძნებული პოლიტიკის შემუშავების პროცესში. შეხვედრაზე მონაწილეები დეტალურად გაეცნენ საქსტატის - „ბავშვებისა და მოზარდების სტატისტიკის პორტალს“, სადაც მომხმარებელს ერთიან სივრცეში, სწრაფად და მარტივად შეუძლია მოიძიოს ყველა მნიშვნელოვანი ინფორმაცია ბავშვებისა და ახალგაზრდების შესახებ.
ღონისძიებაზე საქსტატის აღმასრულებელმა დირექტორმა, გოგიტა თოდრაძემ, მონაწილეებს გააცნო საქართველოს ეროვნული სტატისტიკური სისტემის ძირითადი მიმართულებები, ხოლო UNICEF-ის წარმომადგენელმა საქართველოში, იესპერ მოლერმა, ხაზი გაუსვა ბავშვთა კეთილდღეობის შეფასებისთვის მონაცემების მნიშვნელობას.
შეხვედრა კითხვა-პასუხის სესიით დასრულდა და მიზნად ისახავდა აკადემიურ სექტორთან თანამშრომლობის გაღრმავებას.
ბავშვებისა და მოზარდების პორტალი შეგიძლიათ იხილოთ ბმულზე:https://youth.geostat.ge/?lang=ka
