ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 5 მარტი 2026
საქართველოს სტატისტიკის ეროვნულ სამსახურსა და უნგრეთის სტატისტიკის ცენტრალურ სამსახურს შორის ურთიერთთანამშრომლობის მემორანდუმი გაფორმდა.
მემორანდუმს ხელი ქ. ნიუ იორკში, გაეროს სტატისტიკის კომისიის 57-ე სესიის ფარგლებში, საქსტატის აღმასრულებელმა დირექტორმა გოგიტა თოდრაძემ და უნგრეთის სტატისტიკის ცენტრალური სამსახურის პრეზიდენტმა არონ კინცეშმა მოაწერეს.
ორმხრივი თანამშრომლობა სტატისტიკის სფეროში მოიცავს გამოცდილების გაზიარებას სხვადასხვა მიმართულებებით, როგორიცაა ოფიციალური სტატისტიკის მოდერნიზაცია, სტატისტიკური გამოკვლევების მეთოდოლოგია, კლასიფიკაციები და სტატისტიკური რეესტრები, მეტამონაცემების დამუშავება, ბიზნეს, დემოგრაფიული და სოციალური, მაკროეკონომიკური და გარემოსდაცვითი სტატისტიკა, ასევე სტატისტიკური ინფორმაციული სისტემები და თანამედროვე ტექნოლოგიების გამოყენება. თანამშრომლობა ასევე ითვალისწინებს მონაცემთა ანალიტიკის თანამედროვე მიდგომების, მათ შორის ხელოვნური ინტელექტისა და მანქანური სწავლების ინსტრუმენტების გამოყენების მიმართულებით გამოცდილების გაზიარებას.
დოკუმენტი განსაზღვრავს საერთაშორისო და ორმხრივი პროგრამების ფარგლებში თანამშრომლობის გაძლიერებას, ერთობლივი ან კოორდინირებული პროექტების განვითარებასა და განხორციელებას.
საქსტატსა და უნგრეთის სტატისტიკის სამსახურს შორის გაფორმებული მემორანდუმი მხარეებს ახალი პროექტების განვითარების შესაძლებლობას მისცემს. დოკუმენტი ხელს შეუწყობს გამოცდილებისა და ცოდნის გაზიარებას, ექსპერტების გაცვლას, სასწავლო ვიზიტებისა და ტრენინგების ორგანიზებას სხვადასხვა მიმართულებით.
