ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 28 აპრილი 2026
საქსტატის აღმასრულებელი დირექტორი გოგიტა თოდრაძე ყირგიზეთის რესპუბლიკის ეროვნული სტატისტიკის სისტემის 100 წლის იუბილისადმი მიძღვნილ საერთაშორისო ფორუმში მონაწილეობდა, რომელიც 23 აპრილს ქ. ბიშკეკში გაიმართა.
საერთაშორისო ფორუმის თემას წარმოადგენდა „სტატისტიკური ბიზნეს პროცესების მოდერნიზაცია: ოფიციალური სტატისტიკის ახალი ეკოსისტემის ჩამოყალიბება“. ღონისძიების ფარგლებში გაიმართა თემატური სესიები, რომლებიც მოიცავდა თანამედროვე სტატისტიკური სისტემების განვითარებას, ახალი მონაცემთა წყაროების ინტეგრაციას, ციფრული ტექნოლოგიებისა და ხელოვნური ინტელექტის გამოყენებას, ასევე სტატისტიკური შესაძლებლობების გაძლიერებას.
ფორუმის ფარგლებში გოგიტა თოდრაძემ მონაწილეობა მიიღო სესიაში, რომელიც ეხებოდა ციფრული ტექნოლოგიებისა და ხელოვნური ინტელექტის გამოყენებას სტატისტიკური მონაცემების მზარდ მოთხოვნაზე რეაგირების პროცესში. თავის გამოსვლაში მან უცხოელ კოლეგებს გააცნო საქართველოს სტატისტიკის სისტემაში განხორციელებული რეფორმები, მიღწეული პროგრესი და მიმდინარე ინიციატივები, რომლებიც მიზნად ისახავს მონაცემთა წარმოებისა და გავრცელების პროცესების გაუმჯობესებას.
ფორუმში მონაწილეობდნენ საერთაშორისო ორგანიზაციების, სხვადასხვა ქვეყნის სტატისტიკის სამსახურების ხელმძღვანელი პირები და წარმომადგენლები.
