ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 8 ივნისი 2026
საქართველოს სტატისტიკის ეროვნული სამსახურის აღმასრულებელი დირექტორი გოგიტა თოდრაძე საქართველოში თურქეთის რესპუბლიკის საგანგებო და სრულუფლებიან ელჩს, მუსტაფა თურქერ არის შეხვდა.
გაცნობითი ხასიათის შეხვედრის ფარგლებში მხარეებმა საქართველოსა და თურქეთს შორის არსებული მეგობრული და პარტნიორული ურთიერთობები განიხილეს.
საუბარი ასევე შეეხო ოფიციალური სტატისტიკის მნიშვნელობას ქვეყნის სოციალურ-ეკონომიკური განვითარების პროცესში, თანამედროვე სტატისტიკური სისტემების როლსა და მონაცემებზე დაფუძნებული გადაწყვეტილებების მიღების მნიშვნელობას.
გოგიტა თოდრაძემ თურქეთის ელჩს საქართველოს სტატისტიკის ეროვნული სამსახურის საქმიანობა, მიმდინარე პროექტები და ოფიციალური სტატისტიკის განვითარების მიმართულებით განხორციელებული რეფორმები გააცნო.
შეხვედრაზე მხარეებმა ასევე ისაუბრეს პროფესიული თანამშრომლობისა და გამოცდილების გაზიარების მნიშვნელობაზე.
