ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 22 ოქტომბერი 2026
საქართველოს სტატისტიკის ეროვნული სამსახურის (საქსტატი) აღმასრულებელმა დირექტორმა, გოგიტა თოდრაძემ, ივანე ჯავახიშვილის სახელობის თბილისის სახელმწიფო უნივერსიტეტის ბიზნესისა და ეკონომიკის ფაკულტეტის სტუდენტებისთვის საჯარო ლექცია ჩაატარა, თემაზე - „ოფიციალური სტატისტიკის განვითარების ძირითადი პრიორიტეტები - წარსული გამოცდილება და თანამედროვე რეალობა“.
შეხვედრას 150-მდე სტუდენტი და პროფესორ-მასწავლებელი დაესწრო. გოგიტა თოდრაძეს ფაკულტეტის დეკანი, ასოცირებული პროფესორი მერაბ ხოხობაია შეხვდა.
საჯარო ლექციის ფარგლებში გოგიტა თოდრაძემ ისაუბრა ოფიციალური სტატისტიკის განვითარების ძირითად პრიორიტეტებზე, თანამედროვე გამოწვევებსა და სანდო სტატისტიკური მონაცემების მნიშვნელობაზე. სტუდენტები გაეცნენ საქსტატის საქმიანობის ძირითად მიმართულებებსა და ოფიციალური სტატისტიკის როლს ქვეყნის განვითარებაში.
ვიზიტის ფარგლებში მხარეებმა უნივერსიტეტსა და საქსტატს შორის თანამშრომლობის გაღრმავების პერსპექტივებიც განიხილეს. გოგიტა თოდრაძე ასევე გაეცნო ფაკულტეტზე მიმდინარე ინფრასტრუქტურულ პროექტებს და დაათვალიერა ბლუმბერგის ლაბორატორია.
მსგავსი შეხვედრები ხელს უწყობს აკადემიურ წრეებსა და ოფიციალური სტატისტიკის მწარმოებელ უწყებას შორის თანამშრომლობის გაძლიერებას და სტუდენტებისთვის სტატისტიკის პრაქტიკული მნიშვნელობის გაცნობას.
