ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 28 ოქტომბერი 2026
საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ რუსთავის მუნიციპალიტეტის მერიისა და საკრებულოს წარმომადგენლებთან საინფორმაციო ხასიათის შეხვედრა გამართა. შეხვედრის ფარგლებში მონაწილეებს გააცნო საქართველოს სტატისტიკის სისტემის განვითარების ძირითადი პრიორიტეტული მიმართულებები, საქსტატის ინტერაქტიული პორტალები და ელექტრონული სერვისები, ასევე მოსახლეობის 2024 წლის აღწერის ძირითადი შედეგები.
შეხვედრაზე განსაკუთრებული ყურადღება დაეთმო სტატისტიკური მონაცემების პრაქტიკაში გამოყენების მნიშვნელობას, სტატისტიკური მაჩვენებლების გაანგარიშების მეთოდოლოგიურ საკითხებსა და მონაცემების როლს მუნიციპალიტეტის საქმიანობის დაგეგმვისა და გადაწყვეტილებების მიღების პროცესში.
შეხვედრაში მონაწილეობდნენ რუსთავის მუნიციპალიტეტის მერის მოადგილეები, მერიის სტრუქტურული ერთეულებისა და მუნიციპალიტეტის მიერ დაფუძნებული ორგანიზაციების ხელმძღვანელები, ასევე რუსთავის მუნიციპალიტეტის საკრებულოს თავმჯდომარე და საკრებულოს წევრები.
შეხვედრის მიზანს წარმოადგენდა სტატისტიკური ინფორმაციის მომხმარებლებისთვის საქსტატის საქმიანობისა და სტატისტიკური პროდუქტების გაცნობა, აგრეთვე, სტატისტიკურ მონაცემებზე ხელმისაწვდომობისა და მათი პრაქტიკული გამოყენების ხელშეწყობა.
