ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 21 ივლისი 2014
საქართველოს სტატისტიკის ეროვნული სამსახური საქართველოს განათლებისა და მეცნიერების სამინისტროსთან დადებული მემორანდუმის ფარგლებში აგრძელებს სტუდენტებთან შეხვედრას. თელავის სახელმწიფო უნივერსიტეტში 2014 წლის მოსახლეობის საყოველთაო აღწერის მნიშვნელობაზე ისაუბრა საქსტატის აღმასრულებელმა დირექტორმა ქალბატონმა მერი დაუშვილმა.
შეხვედრა მიზნად ისახავდა ახალგაზრდებისთვის მოსახლეობის საყოველთაო აღწერასთან დაკავშირებით ინფორმაციის მიწოდებას. მერი დაუშვილთან ერთად, შეხვედრას ესწრებოდნენ საქართველოს განათლებისა და მეცნიერების მინისტრის მრჩეველი ოთარ აბესაძე და თელავის სახელმწიფო უნივერსიტეტის რექტორი ავთანდილ ღელაღუტაშვილი. შეხვედრაზე განიხილეს მოსახლეობის აღწერის ფარგლებში უნივერსიტეტის სტუდენტების შესაძლო დასაქმების საკითხიც.
საქართველოს მოსახლეობის აღწერის საკოორდინაციო სამთავრობო კომისიის გადაწყვეტილებით მოსახლეობის საყოველთაო აღწერა 2014 წლის 5-19 ნოემბერს ჩატარდება.
