უძრავი ქონების სტატისტიკური გამოკვლევა

თარიღი: 13 ნოემბერი 2014

საქსტატმა 2013 წლის შედეგების საფუძველზე, უძრავი ქონების სტატისტიკური გამოკვლევა განახორციელა. გამოკვლევის შედეგად შეგროვდა ქვეყანაში უძრავი ქონების გასაანალიზებლად საჭირო მონაცემები. კერძოდ, ინფორმაცია სხვადასხვა ინსტიტუციონალური სექტორების (არაფინანსური კორპორაციები, ფინანსური კორპორაციები, შინამეურნეობების მომსახურე არაკომერციული ორგანიზაციები (შმაკო), სახელმწიფო მმართველობა, შინამეურნეობები) მიერ შენობა-ნაგებობების ყიდვაზე, შენობა-ნაგებობის მშენებლობასა და კაპიტალურ თუ მიმდინარე რემონტზე დარიცხული ხარჯების შესახებ; მიწის ყიდვასა და მის არსებით გაუმჯობესებაზე გაწეული ხარჯების შესახებ. აგრეთვე ინფორმაცია სხვადასხვა ინსტიტუციონალური სექტორების მიერ შეძენილი ობიექტების ღირებულებისა და მოცულობის შესახებ, ტიპების მიხედვით.

კვლევის შედეგად მიღებულ მონაცემებს დიდი მნიშვნელობა აქვს როგორც უძრავი ქონების ბაზრის ანალიზისათვის, ისე ეროვნული ანგარიშების მიზნებისთვისაც. აღნიშნული გამოკვლევა საქსტატმა პირველად განახორციელა.

გამოკვლევის შედეგები შეგიძლიათ იხილოთ შემდეგ ლინკზე:

გადმოწერა