დავით ნარმანია
დაბადების თარიღი:
1979 წლის 7 მარტი
 
2 30 32 17
თსუ-ს პროფესორი, მენეჯმენტის და ადმინისტრირების კათედრის გამგე; 2019 წლის ოქტომბრიდან სემეკის თავმჯდომარე.
2017 წლის დეკემბრიდან იყო სემეკის წევრი. 2014-2017 წლებში იყო ქ თბილისის მერი და საქართველოს დელეგაციის ხელმძღვანელი ევროსაბჭოს რეგიონული და ადგილობრივი თვითმმართველობის კონგრესში; 2012-2014 წლებში იყო საქართველოს მთავრობის წევრი, იკავებდა საქართველოს რეგიონული განვითარების და ინფრასტრუქტურის მინისტრის პოზიციას. 2008-2012 წლებში იყო კავკასიის ეკონომიკური და სოციალური კვლევითი ინსტიტუტის აღმასრულებელი დირექტორი, საქართველოს საზოგადოებრივ საქმეთა ინსტიტუტის (GIPA) და ქართულ-ამერიკული უნივერსიტეტის (GAU) პროფესორი. 2006-2007 წლებში იყო საქართველოს ახალგაზრდა ეკონომისტთა ასოციაციის გამგეობის თავმჯდომარე; 2004-2005 წლებში მუშაობდა ბიზნეს კონსალტინგის ჯგუფის გენერალურ დირექტორად; 2001-2003 წლებში იკავებდა სხვადასხვა პოზიციებს საქართველოს ფინანსთა და საგადასახადო შემოსავლების სამინისტროს სისტემაში.
დავით ნარმანიას მიღებული აქვს უმაღლესი განათლება თბილისის სახელმწიფო უნივერსიტეტში ბიზნესის ადმინისტრირების მიმართულებით (ბაკალავრიატი და მაგისტრატურა). 2006 წლიდან ფლობს ეკონომიკის აკადემიური დოქტორის ხარისხს (სექტორული ეკონომიკა, მენეჯმენტი). 2007-2008 წლებში იყო გერმანიის აკადემიური გაცვლების საბჭოს (DAAD) სტიპენდიანტი და გავლილი აქვს სამეცნიერო სტაჟირება პოტსდამის უნივერსიტეტში. არის 50-ზე მეტი სამეცნიერო-კვლევითი ნაშრომის ავტორი და თანაავტორი.
ფლობს ინგლისურ, გერმანულ და რუსულ ენებს.
ჰყავს მეუღლე და სამი შვილი.

 

წელი