საქართველოს სტატისტიკის ეროვნულ სამსახურის ახლადარჩეული საბჭოს პირველი სხდომა

თარიღი: 3 აგვისტო 2018

2 აგვისტოს საქსტატის საბჭო ახალი შემადგენლობით შეიკრიბა და პირველი სხდომა გამართა. სხდომაზე საბჭოს წევრებმა იმსჯელეს საქსტატის განვითარების სტრატეგიასა და გეგმებზე, საბჭოს თავმჯომარემ წევრებს გააცნო საქსტატის პრიორიტეტული მიმართულებები, ისაუბრა სისტემაში არსებულ გამოწვევებზე, მათი გადაჭრის გზებზე და სამომავლო გეგმებზე. გარდა ამისა გოგიტა თოდრაძემ საბჭოს წევრებს გააცნო სამსახურის ახალი სტრუქტურა და დასამტკიცებლად წარუდგინა საშტატო განრიგი.
საქსტატის ახალი საბჭო წარმოდგენილია შემდეგი შემადგენლობით: გოგიტა თოდრაძე - საბჭოს თავმჯდომარე, რომელიც ამავდროულად არის საქსტატის აღმასრულებელი დირექტორი, არჩილ მესტვირიშვილი - საქართველოს ეროვნული ბანკის ვიცე-პრეზიდენტი, ეკატერინე მიქაბაძე - საქართველოს ეკონომიკისა და მდგრადი განვითარების მინისტრის მოადგილე, ფრიდონ ასლანიკაშვილი - ფინანსთა სამინისტროს ფისკალური პროგნოზირების დეპარტამენტის უფროსის მოადგილე, ასევე საბჭოს შემადგენლობაში შედის სამი არასაჯარო მოხელე - მარინე მინდორაშვილი, სიმონ გელაშვილი და ირაკლი აფხაიძე, ხოლო საბჭოს ერთი წევრის პოზიცია დღემდე ვაკანტურია.