ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 17 ივნისი 2025
საქსტატის აღმასრულებელი დირექტორი გოგიტა თოდრაძე და დირექტორის მოადგილე პაატა შავიშვილი ევროპის სტატისტიკოსთა კონფერენციაში (CES) მონაწილეობენ, რომელიც 16-18 ივნისის პერიოდში ჟენევაში, გაეროს ევროპის ეკონომიკურ კომისიაში (UNECE) იმართება.
ევროპის სტატისტიკოსთა კონფერენცია წარმოადგენს გაეროს ევროპის ეკონომიკური კომისიის ქვეშ მოქმედ ორგანიზაციას, რომელიც აერთიანებს 50-ზე მეტ ქვეყანას ევროპის, ჩრდილოეთ ამერიკისა და ცენტრალური აზიიდან.
კონფერენცია ყოველწლიურად იმართება და მისი მიზანია სტატისტიკური მეთოდოლოგიების, სტანდარტებისა და საუკეთესო პრაქტიკების შემუშავება, ასევე სტატისტიკის სფეროში საუკეთესო პრაქტიკის გაზიარება, მეთოდოლოგიური სტანდარტების განვითარება და ქვეყნებს შორის თანამშრომლობის გაღრმავება.
ვიზიტის ფარგლებში გოგიტა თოდრაძე მონაწილეობას იღებს სხვადასხვა პანელურ დისკუსიაში და მოხსენებით მიმართავს მონაწილეებს. მისი პრეზენტაციების მიზანია უცხოელ კოლეგებს გააცნოს ქვეყნის სტატისტიკის სისტემაში უკანასკნელ პერიოდში განხორციელებული ცვლილებები და მიღწეული პროგრესი. ასევე, იგი ისაუბრებს სხვადასხვა მიმართულებით არსებულ გამოწვევებზე, სამომავლო გეგმებზე და პრიორიტეტებზე.
საქსტატის ხელმძღვანელობა განსაკუთრებულ ყურადღებას ამახვილებს ციფრული ტრანსფორმაციის პროცესზე, ინოვაციური მეთოდოლოგიების დანერგვაზე და მონაცემთა ხარისხის გაუმჯობესების ინიციატივებზე, რაც საქართველოს სტატისტიკის სისტემის მოდერნიზაციის ძირითადი მიმართულებებია.
სესიის პარალელურად საქსტატის აღმასრულებელ დირექტორს ოფიციალური შეხვედრები ექნება სხვადასხვა საერთაშორისო ორგანიზაციისა და პარტნიორი ქვეყნების სტატისტიკის სამსახურების ხელმძღვანელებთან. ამ შეხვედრების ფარგლებში განიხილება მიმდინარე და სამომავლო თანამშრომლობის საკითხები, რაც საქართველოსთვის წარმოადგენს დამატებით შესაძლებლობას საერთაშორისო დონეზე შესადარისი სტატისტიკური მეთოდოლოგიების შემუშავების, დანერგვის და ოფიციალური სტატისტიკის ხარისხის გაუმჯობესების და განვითარების თვალსაზრისით.
კონფერენციის ბოლო დღეს გაიმართება ევროპის სტატისტიკოსთა ბიუროს წევრთა არჩევნები, რომლის საფუძველზე დაკომპლექტდება ბიუროს ახალი შემადგენლობა. ბიურო წარმოადგენს CES-ის აღმასრულებელ ორგანოს, რომელიც პასუხისმგებელია მისი სამუშაო პროგრამის დაგეგმვასა და კოორდინაციაზე და ხელს უწყობს ევროპაში სტატისტიკური სტანდარტების შემუშავებას.
