ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 3 ივლისი 2025
3 ივლისს, საქართველოს სტატისტიკის ეროვნულ სამსახურში დავით აღმაშენებლის სახელობის საქართველოს ეროვნული თავდაცვის აკადემიის სასწავლო ბატალიონის IV კურსის იუნკერებისთვის გაცნობითი ვიზიტი შედგა.
შეხვედრა მიზნად ისახავდა მათთვის საქსტატის როლის და საქმიანობის გაცნობასა და სახელმწიფოებრივი ცნობიერების ამაღლებას. შეხვედრის ფარგლებში იუნკერები დეტალურად გაეცნენ შემდეგ საკითხებს:
• ეროვნული სტატისტიკის სისტემის შექმნისა და განვითარების ისტორია
• სტატისტიკური მონაცემების წარმოების პროცესი;
• მეთოდოლოგიურ მიდგომები და სერვისები, რომლებიც მოქალაქეებისა და სახელმწიფო სტრუქტურებისთვის არის ხელმისაწვდომი;
• საერთაშორისო სტანდარტები და თანამშრომლობა.
შეხვედრის მონაწილეებთან საქსტატის აღმასრულებელი დირექტორის მოადგილემ, ირაკლი აფხაიძემ ისაუბრა სტატისტიკური მონაცემების მნიშვნელობაზე პოლიტიკის დაგეგმვაში, სახელმწიფო მმართველობასა და სხვადასხვა გადაწყვეტილების მიღებაში. იუნკერები ასევე გაეცნენ სხვადასხვა სტატისტიკურ ინდიკატორსა და მონაცემთა საჭიროებას რეალურ პრაქტიკაში.
ეს ღონისძიება კიდევ ერთხელ უსვამს ხაზს საქსტატის ღია კარის პოლიტიკას და მზადყოფნას, გაუზიაროს ცოდნა ქვეყნის განვითარებაში ჩართულ ყველა სექტორს, მათ შორის სამხედრო სფეროს წარმომადგენლებს.
